Shillong, Jylliew, 08: Ka Estimate Committee jong ka Meghalaya Legislative Assembly hapoh ka jingialam jong u Bah Mayralborn Syiem kum u Chairman ryngkat ka jingdonlang jong ki dkhot ka Committee kiba kynthup ia u Bah Charles Marngar, u Remington G. Momin, u Bah Limison Sangma, u Bah Renikton Lyngdoh Tongkhar, ka Mianmi D. Shira, u Bah Wailadmiki Shylla, u Bah Damanbait Lamare ki la leit ban iakynduh ia ka Estimate Committee jong ka West Bengal Legislative Assembly hapoh ka jingialam u Dr.Supidto Roy kum u Chairman.
Ha kane ka jingialang la iakren halor ka rukom treikam jong ka West Bengal Assembly bad la ioh ia ka kaiphod lyngkot na u Chairman jong ka Estimate Committee, West Bengal, uba la iathuh shaphang ki Medical College, ki Fly Over Bridge, ka Education System, Health Sector bad kiwei kiwei.
U Chairman jong ka Estimate Committee ka Meghalaya Legislative Asssembly u Bah Mayralborn Syiem u la ai ruh ia ka kaiphod na ka jylla Meghalaya.
Ka jingialang ka la long kaba seisoh bad ioh jingmyntoi shibun ha kaba lah iatai bad iashim bynta da baroh ki dkhot jong kine ki ar tylli ki Komiti na ka jylla Meghalaya bad na ka jyllla West Bengal.
Na kane jingiakynduh lang bad ki jingleit jngoh jong ka Estimate Committee, na Delhi Assembly bad na West Bengal ruh kin sa phah ia ki kaiphod sha ka Sorkar bad kumjuh ruh ia ki jingai jingmut.
Ha kane ka sngi kane ka Committee ka la iohlad ruh ban iakynduh ia u Lamphang jong ka West Bengal uba la pdiang burom ia baroh ki dkhot.
Na ka liang u Chairman jong ka Estimate Committee, Meghalaya, u la ai ia ki kyntien ai khublei bad kyrkhu kyrdoh ia u Lamphang jong ka Ingdorbar Thawaiñ ka Jylla West Bengal.
