Shillong, July 3 : U Superintendent of Police East Khasi Hills District u Bah S. Nongtnger u la pyntip ba ha ka 3 tarik u Naitung ha ka por 12 baje baje eiei mynsngi, ka la don ka jingbthei kaba jam ha kawei ka iing ha Lumkynsai, Smit bad ha kane ka jingjia uwei u rangbah uba la tip kyrteng kum u Bah Pynsuklang Khongwir (38 snem ka rta) u la iap hashen.
Ha ka kyrwoh khubor u SP u la pyntip ba ka jingbthei ka long kaba jur bad ki kamra kiba don ha ka mala kaba ha trai duh jong ka iing ki la julor. Ha ka jingtohkit ki pulit ki la lap ba u Bah Pynsuk u dei u briew uba don jingshitom bad u hap ban shu thiah beit ha jingthiah. Ar bnai mynshuwa u dang shah puid ba u don jingpang ha u budlum.
U SP u la ong ba kiba haiing hasem ki la ithuh ba u la pyrshang ban pyniap ialade la arsien. Ki pulit pynlip bom bad ka kynhun jong ka Crime Scene Unit ki la wan poi ha katei ka jaka bad ki la lum la lang ia ki tiar kiba donkam kiba lah ban iarap ha ka jingtohkit. Ka jingtohkit halor katei ka jingjia ka dang iaid shakhmat.
