Shillong, Ïaïong 26: Na ka daw ka jingkiew palat jong ka jingshit kaba la ktah ïa ka jylla baroh kawei, ka sorkar ka la pynmih ïa ka hukum ba bthah ïa ki skul ba kim dei ban shah ïa ki khynnah ban mih shabar ne ban pynlong ïa ki prokram shabar ki skul.
Katkum ka kyrwoh na u Director ka School Education and Literacy ka Jylla u Swapinil Tember IAS u la ong ba ki prokram bad ki sports ym shah ban pynlong na ka daw jong ka jingkiew palat ka jingshit ha kine ki sngi, ki skul ki dei ban don ka um kaba biang ha ki skul khnang ba ki khynnah, ki nongtrei bad kiwei kin ïoh ban dih ïa ka sngi lada ki sngewtyrkhong.
La bthah ruh ïa ki khynnah skul ban wanrah ki bilor um ban dih, ki ORS ne ka um sohjew.
La bhah ruh ïa ki khynnah ba kim dei ban shah sngi naduh ka por 12 baje nohphai sngi haduh ka 3 baje janmied ki khynnah kim dei ban mih bad ban kiar na ka jingshah sngi. Ïa ki khynnah dei ban phah pyndonkam da ki tupia bad ki shatri haba ki wan bad mih na ki skul.
La bthah ruh ba ki khynnah kim dei ban ïaid da ki kjat lane ha ki jaka ba don ka jingshit ha madan skul. La bthah ruh ba kadei ban don ka jingïatreilang bad ki bor pynïaid skul bad ki bor sorkar khnang ba ki khynnah skul kin lait na kino kino ki jingeh bad ki jingïohpang.
La bthah ïa ki bor pynïaid skul ban don ka jingïatreilang ba ki bor sumar kiba don hajan ki skul khnang ban pynlong ïa ki khynnah kiba lait na ka jingïohpang.
