Shillong, Jylliew , 21: Ka Christian Academy School, Shillong kaba la kynjoh mynta sha ka jingiaid lynti kaba la 30 snem kynthih ha ka Sngi Balang ka la pynkum burom ia ki khynnah pule jong ka skul kiba la pass bha ha ka eksamin Secondary School Leaving Certificate (SSLC) 2023 bad ha ka eksamin jong ka Higher Secondary School Leaving Certificate (HSSLC) 2023, Arts, Science bad Commerce ba la pynbna dang shen da ka Meghalaya Board of School Education.
Ha kane ka jingpynkup burom kaba la long ha U Soso Tham Auditorium, la pynkup burom kyrpang ia ki lai ngut ki khynnah pule jong kane ka skul kiba wanrah burom ia ka skul da kaba ioh rung ha ka Top 20 jong ka result Secondary School Leaving Certificate (SSLC) 2023 kiba kynthup ia ka Sandara Marpna ha ka kyrdan 10 Position, u samla Damelawanbha Khyriem ha ka kyrdan kaba 15 bad ka Sa-i-Nanghunbha Kharlukhi ha ka kyrdan kaba 17.
Ha kane ka sngi, la sakhi lang da u Associate Professor jong ka Department of Botany ka Union Christian College u Dr. Jim P. Marak uba la long kum u Kongsan ryngkat ka jingdonlang jong u President ka School Managing Committee u Bah Cheiwonstar Kharkrang, ki Pastor, ka Principal jong ka skul ka Kong Fidaline W. Chyne, ki nonghikai lem bad ki kmie ki kpa jong ki khynnah skul.
