Nongstoin, Nailar 8 : Lai ngut ki briew kiba la kah bha ia la ka jong ka durkhmat ha ka step synnia jong ka 7 tarik u Nailar, 2023 ki la leit ban thang duamon ia ka trok dumper bad ia kawei ka transit mixer jong ka kompani na Russia ka VozrozHdenie kaba dang pyntrei mynta ia ka surok na Nongstoin sha Wahkaji.
Katkum ka tyllong khubor ba la ioh lum la ong ba ki lai ngut ki runar kiba la kah dur bha ki la rung jubor ha ka ktem jong kane ka kompani ha ka shnong Mawthungkper ha ka por kumba 1:30 baje mynstep bad thang ruh ia ki kali jong ka kompeni bad jia ryngkhat ba ha kane ka por uwei u nongniah jong ka trok dumper uba thaih hapoh jong ka u la lait im da ka sait.
La ong ruh ba ki runar ki la wan ha ryngkat ki klong petrol lem bad ki pla byrni kiba la thmu ruh ban pynjot bad pynjulor ia ki mar ki mata jong ka kompani
Ha kaba iadei bad kane ki Pulit ki la register case bad ka jingtohkit ka dang iaid shakhmat ban iohkem ia kiba donkti.
