Ribhoi, Nailar 8 : Ki dkhot jong ka Ribhoi Youth Federation bad ka Federation of Khasi Jaintia and Garo Peoples, Umsning Circle ha ka 8 tarik, Nailar, 2023 ki la ioh bat haduh 9 ngut ki bar jylla kiba rung tuh sha ka jylla Meghalaya ban leit trei bylla siang rong khlem ki kot ki sla kiba biang.
Kine ki 9 ngut ki bar jylla ki dei kiba wan na ka jylla Assam lyngba ka Kali Tata Mobile kaba don ïa u number AS11-EC-0412 kaba don ia ka jingthoh ha ka iit kali ‘ ON PWD Duty’. La kynnoh ruh ba kine ki nongbylla bar jylla ki la rieh ïa lade hapoh kane ka kali da kaba kah ïa lade da ki kynja kor ba pyndonkam ha kaba siang rong ïa ka surok.
Ia kine ki bar jylla, la aiti noh sha ki Pulit jong ka Umsning Police Outpost ban pynlong ka jingtohkit bad ban pynphai biang ia ki sha ka jaka kaba ki wan.
