Shillong, Naiwieng, 27: Hadien ka jingkut noh ka samoi treikam jong ka Khasi Student Union (KSU) Mawlai Circle, ka seng ha ka Lah Sngi U Blei ka la pynlong da ka jingjied ia ki nongkitkam ba thymmai na ka bynta ka samoi treikam jong u snem 2023-2026.
Ia kane ka jingjied nongkitkam la pynlong ha Indoor Stadium Mawlai Phudmuri. Lai tylli ki post ym shym la don satia kiba iakhun pyrshah ia u samla Biangbor Lyngdoh Paliar ia ka post President, u samla Mac Iver Thabah ia ka post Vice President bad ia u samla Eddie Malngiang ia ka post General Secretary.
Ki nongkitkam ba la shah jied thymmai ha kane ka sngi ki long Asst Secretary Macdonald Jitem, Organising secretary Nangrikupar Malngiang, Publicity Secretary Garry Mawlieh, Education Secretary Sam Lyngdoh Nonglait, Environment Secretary Wellborn Nonglang bad Office Secretary Rishot Jana.
Ha kane ka sngi ba pynlong ia kane ka jingjied nongkitkam la sakhi lang da u President jong ka KSU Seng Kmie u u samla Lambokstar Marngar uba la long kum u kongsan bad u General Secretary u samla Donald V. Thabah kum u symbud kongsan.
