Shillong, Naiwieng, 30: Ka tnat Pule Puthi jong ka Sorkar Jylla kaba la thung ïa ka jingtohkit ka la lap ba ki don ym duna ïa ka 15 na ka 100 percent ki skul rngai ha rilum Khasi-Jaiñtia bad ha rilum Garo.
U President jong ka Meghalaya Upper Primary School Teachers Association (MUPSTA) Babu Kenneth Shadap ha ka jingïakren bad ki lad pathai khubor ha ka sngi Palei u la ong, “ïa kane ka pynpaw hi da ki Ophisar kiba ngam kwah ban ïathuh kyrteng namarba ma ngi ruh kim sngewtynnat ba ngan ïathuh ïa ka kyrteng jong ki.”
“Ki la leit sorjamin bad ban tohkit bad ki lap ba ki don ki skul ha ki kyrdan bapher bapher naduh ki skul Deficit, ki Adhoc haduh ki skul Sorkar kiba don tang arngut ki nonghikai bad arngut ki khynnah skul bad lai ne saw ngut ki nonghikai. Kane ka long ha baroh kawei ka jylla ki don,” u la ong.
“Ngam tip haduh katno ka Sorkar kan pynbeit ïa kine,” u la bynrap.
Haba kylli, u la ong, “ki don hi kylleng sawdong ka ri Khasi Jaiñtia bad Garo bad nga lah ban shu ong malu mala kumba 15 percent ki don hi (ki skul rngai). Kata ka dei ka jingïakren jong nga bad ki ophisar ka tnat Pule Puthi kiba leit sorjamin. Ki ïathuh (hi ma ki) ïa nga.
