Shillong, K’lyngkot, 16: Ka Voice of the people Party (VPP) ha ka sngi Baar hapoh ka jingialam jong u Dr. Rusievan Shangpliang uba dei u dkhot jong ka Media Cell jong ka VPP u la mudui da ka ejhajar ha ophis treikam jong u Superintendent of Police ka East Khasi Hills District halor kawei ka jingthoh ha Facebook halor ka jingkynthoh ia u President rangbah jong ka Party u Bah Ardent Milar Basaiawmoit uba dei ruh u MLA jong ka Nongkrem Constituency ha uwei u briew ne ka briew kaba la ai kyrteng VPP Dent ha kawei ka Group “Lympung ki Khun Ka Ri”
Na ka liang jong ka Party ha ka Lah Sngi u Blei ki nongialam ki la shong pyrkhat para nongialam shuwa ban leit mudui ia ka ejahar pyrshah ia ka jingkynthoh ha ka post “Lympung Ki Khun Ka Ri.”
U Dr. Rusievan Shangpliang u la ong ba lada ki don kino kino ki jingsngew ne ki Jingkynthoh kim dei pat ban pyndonkam da ki kyntien khlemakor kiba ktah mationg ia ka jingim jong ki briew lada ki dei ki briew ne ki nongialam kiba treikam paidbah hynrei ban ai ia ka jingiatreilang ym ban shu kynthoh katba sngewbit da ki ktien ki bym iahap.
