Shillong, Rymphang, 19: Ka Universal Advertising, ha ka sien ba nyngkong eh kala pynlong ia ka 1st International Universal Expo Cum Exhibition 2024, kaba dei ka iew ia die ia thied kaba heh bha hapoh ka nongbah Shillong ia kaba la sdang ha ka 14 tarik u Rymphang mynta u snem.
Na ka liang ki nongpyniaid kila pyntip ba ki lah sdang sam khusnam ia kiba jop khalai nusib na kane ka 1st International Universal Expo Cum Exhibition 2024 kaba la pynlong ha parking lot polo. Bad la iathuh ruh lah don kumba 9 ngut eiei ki nongjop khalai nusib kiba wan ban thied tiar na kane ka iew naduh ka 14 tarik haduh ka 18 tarik 2024.
Shuh shuh na ka liang ki bor pyniaid kane ka iew kila kyrpad ia ki paidbah ba kin wan ban sakhi bad thied ia ki tiar kiba la wan na Dubai, Afghanistan, Bangladesh, Turkey bad Thailand lem bad na kiwei ki jylla jong ka ri India.
Kum ban shu kdew ha ka 18 tarik mynta u bnai Rymphang la sakhi ba ki paidbah ba bun bha ki la tuid sha kane ka iew.
