Shillong, Rymphang, 19: Kum shi bynta ban kyntiew bad pynshlur ia ki samla jong ka dong ka thain Sohra, Ka kynhun Sohra Dance Academy kala pynlong ia ka Sohra ICon Season 2 Grand Final ha Lumsainar Laitryngew Sohra.
Ia kane ka kynhun Sohra Dance Academy la ialam da u samla Bobby Nongrum bad ha ryngkat ka jingia treilang bad ka dong Lum Sainar Laitryngew.
Ha kane ka program la ioh ka jingkren pdiang burom na i kong Benita Nongrum bad la ioh ka jingkren ruh na u Samla Reebok Diengdoh President KSU South Khasi Hills District Unit.
Ha kane ka Sohra Icon season 2 ïa ka nam la duh la rah da ka kynhun B. Boys rapper ka la ioh ban rah ïa song ka ba 10 hajar tyngka. Ïa ka nam ba ar la rah da i Rufinia Nongkynrih i la ioh ban rah ïa ka song tyngka ka ba 5 hajar tyngka Bad i Sunny Witford Sohtun i la wan ha ka kyrdan kaba lai i la ioh ban rah iaka song tyngka kaba 3 hajar tyngka Bad I Albaqueen Swer bad ka kynhun Dohling sisters ki la ioh ban rah iaka song tyngka ba mar 1000 (consolation) bad I heprit Isamerry Nongkynrih i la ioh ban rah iaka prize ba kyrpang.
