Shillong, Rymphang, 03: Ka Hynñiewtrep Youths Council (HYC) ha ka sngi Thohdieng jong ka taiew baladep ka la phah da ka jingthoh sha u Director jong ka NEIGRIHMS, u Prof. (Dr.) Nalin Mehta ban pan jingpynshai halor ka post Diet Clerk.
Ha ka dorkhas ba la soi da u President u Bah Roy Kupar Synrem, ka seng ka la dawa jingpynshai ba balei ym pat lah ban thungkam ha ka post Diet Clerk haduh mynta wat haba ïa ka result jong ka Written Test Examination bad ka Typing Speed Examination ladep ban pynbna ha ka 4 tarik, Naiwieng, 2022 bad 3 tarik, Kyllalyngkot, 2023, ha kaba saw ngut ki trai ri trai muluk la shem ba ki dei kiba la pas ïa kine ki ar tylli ki eksamin.”
“Kane ka jingpynslem ban pynbna ïa ka result ïa kiba la pas ïa ka eksamin da ka Institute, khamtam eh nalor ba ki dei ki trai shnong ka jylla, ka la pynartatien ïa ka jingkhuid jingsuba ha ka rukom thungkam namarba ka ktah ïa ka bor pyrkhat bad ïa ka ïoh ka kot jong ki nongthep kam,” la ong ka seng
“Lada pynslem shuh shuh, kan lam sha ka jingeh kaba ki nongthepkam kin kut noh ka rta wadkam,” la ong ka seng.
“Ngi kyntu ïa phi kum u nongpeit ka Institute shahskhor ïa kane ka jingdawa jong ngi na ka bynta ka bha ka miat jong ki samla bad ka jylla baroh kawei,” la bynrap ka seng.
