Shillong, Nailar, 18: Uwei u rangbah uba la 38 snem ka rta, ia uba la tip kyrteng kum u Bah Shanbor Surong, u khun jong u (L) Bah Teibor Lyngdoh Marshyllong u la jah rngai ha ka 17 tarik, Nailar, 2023 katba u dang mih iing ka Nia Kha na Patarim, Mawlai Nongkwar ha ka por 2:00 baje mynstep ban leit phai sha la ing sah ha Jaiaw Pdeng, Shillong.
Ha ka ejahar ba la ujor da ki bahaiing hasem sha ki Pulit jong ka Mawlai Police Station, ki la pyntip ruh ba ki la pyrshang ban telephone ia u ha u nombar 7638944245 hynrei um shym la shim satia ia ka phone.
“Ngi la pyrshang ban telephone ia i Kha jong ngi, i la iathuh ba i (Bah Shanbor) la mih na ing jong i ha ka por 2:00 baje mynstep,” la iathuh ki bahaiing.
“Hynrei ha ka por 9:00 baje mynstep ngi la ioh pdiang ia ka phone call na ka mobile phone jong i (Bah Shanbor) hynrei la kren pynban da uwei u briew uba la ioh khar ia ka mobile phone na Mawlai Nongkwar Patarim. Ngi la leit shim noh ia ka mobile phone na uba la iohtam bad ngi la pyrshang ban wad ia u hymmen jong ngi hynrei haduh kane ka khyllipmat ngim shym la lap satia ia i,” la ong iathuh shuh shuh ki bahaiing
La pyntip ruh ba u Bah Shanbor Surong u phong da ka sopti T-Shirt rong iong, ka patlun Jeans rong blue bad ka sandal. U don ia ka jingjrong kaba saw phut shiteng eiei, ka sniehdoh kaba lieh bad ka dak sohkhliang na ka liang khmat ka mon.Ki bahaïing hasem ki la kyrpad ruh ia kino kino kiba iohi ia une u rangbah kin pyntip lyngba u Mobile Phone: 8219449850.
