Shillong, Jylliew 2 : Hadien ba ka jingpang sniang jingpang masi ka la sar ha ki katto katne ki bynta jong ka South West Khasi Hills District, U Deputy Commissioner jong kane ka District u bah T.Lyngwa u la lum jingialang ia ki seng jong ki nongdie doh masi nongdie doh sniang bad kumjuh ruh ia ki doktor mrad jong ka tnat Animal Husbandry and Vetrinary ban ia kren halor kane ka mat.
Hadien ba la iatai sani bha u DC u la bthah ia ki nongdie doh ba ki dei ban ot doh tang ia ki sniang lane ki masi ki bym don jingpang bad kan ym ktah satia ia ki paidbah lada bam ia ka doh jong ki masi ne ki sniang ki bym don jingpang. U la bthah ruh ia ki nongdie doh ba kin long kiba leh khuid bad kim dei shuh ban wah pathar ia ka doh hakhmat dukan jong ki namarba ka isait met ban peit.
