Shillong, Rymphang, 6: Ki shipai Border Security Force ka 172 Battalion kiba la ioh jingtip kaba bniah ki la pynlong ka jingap ktem ha khappud bad ki la ioh bat ia uwei u nong Bangladesh bad lai tylli ki muid ha khappud ka shnong Rattacherra, East Jaiñtia Hills, Meghalaya.
Ia une u nong Bangladesh la tip kyrteng kum u Md. Kamil Ahmed uba la 21 snem ka rta uba sah ha Donachera, Sylhet, Bangladesh la aiti noh sha ki Pulit ka Umkiang ban leh katkum ki kyndon jong ka aiñ.
