Shillong, Jymmang, 15: Ka Lympung Ki Seng Kynthei (LSK) ka la pynpaw ia ka jingsngewkmen halor ka jingthung jong ka Sorkar ia ka Kong Idashisha Nongrang, IPS kum ka kynthei ba nyngkong eh ha ka shuki Director General of Police (DGP) ka Jylla.
Ha u kyrwoh ba la phah sha ki lad pathai khubor, ka President jong ka Seng ka Kong Theilin Phanbuh ka la ong, ba ka seng ka pynpaw ia ka jingsngewkmen namar ka jingjied ia ka Kong Idashisha Nongrang ka pynpaw shai ba ki kynthei ki lah ban trei ia ka kam kaba eh bad ban iakhun ruh ia ki jingtynjuh, lada ailad bad plie jingkhang lem na ka bynta jong ki.
“Ngi ai khublei kyrpang ia i Kong Idashisha Nongrang bad ngi kyrmen ba in jop ha ki jingialeh,” la ong u kyrwoh.
