Shillong, Rymphang, 21: Hadien ka jinglap jong ki dkhot ka Hynñiewtrep Integrated Territorial Organization (HITO) ia ka jingsah miet ki bar jylla ha Iewduh, ha ka sngi balang ki la leit sha ka ophis u Syiem ka Hima Mylliem u Pa’iem Ainam Manik Syiem ban ai da ka jingujor pyrshah ia ki briew kiba donkti ban ai jaka sah ia ki bar jylla ha ki dukan die sha ha Iewduh.
Na ka liang u Syiem u la kubur ba ka jinglap jong ka HITO ia ka jingdon ki bar jylla kiba sah miet beaiñ ha Iewduh kan buh jingma hadien habud.
Ha ka jingiakynduh ia ki dkhot jong ka HITO bad u Syiem ka Hima Mylliem ki la pynbeit ban pynlong ia ka jurip ia ka Iewduh halor ka jingdon ki bar jylla ba sahmiet ha Iewduh.
Halor ka jingshah kynnoh ba ki Pulit Syiem ki kyntait ban synran lang ia ki dkhot jong ka HITO, u Syiem u la pynpaw ba ka ophis jong u kam shym la ioh pdiang satia ia kano kano ka jingthoh ne ka jingkyrpad ban synran lang ia ki dkhot ka HITO.
