Shillong, Nailar, 31: Ki shipai Border Security Force (BSF) jong ka 193 Battalion kiba la ioh ia ka jingtip kaba bniah ki la ioh ban kurup ia ki jaiñ Saree kiba shongdor T. 42 lak ia kiba la thmu ban shalan tuh sha ka ri Bangladesh lyngba ka khappud jong ka Jylla Meghalaya.
Ki shipai BSF ki la ioh kurup ia kine ki jaiñ ba la thmu ban khaii tuh na khappud jong ka shnong Barmanbari, East Khasi Hills District, ha kaba ki la lap ba la buhrieh ia ki song jong kine ki jaiñ Saree ha kawei ka ing bym pyndonkam shuh ha khappud.
Tang shu ioh jingtip, ki shipai BSF ki la pynlong ka jingkhynra bad ioh kurup ia kine ki jaiñ.
Ia kine ki jaiñ la aiti noh sha ka Ophis Custom ban leh ia kaba donkam.
