Shillong, ïaïong, 18: Ka ONYX na ka liang jong ki shynrang bad ka Dubakh-A ha ka liang jong ki kynthei ki long ki ar tylli ki kynhun ialehkai ban iohrah ia ka nam lahduh ha ka Maitshaprang Khasi League Basketball Tournament ba la pynlong da ka Khasi Student Union.
Ha ka jingiakhun phainal kaba la long ha ka sngi Palei, ka ONYX ka la lah ban pynliem noh ia ka Dubakh da 76-70 basket ha ka liang jong ki shynrang.
Ha ka jingiakhun ha ka liang ki kynthei ka Dubakh-A ka la lah ban pynliem noh ia ka Dubakh-B da 51-36 basket.
Ia kane ka lympung ialehkai kaba long ha madan Basketball ha Mawlai Nongpdeng la pynhap pyrda da u President ka KSU u samla Lambokstar Marngar uba la long kum u kongsan.
Ha kane ka jingiakhun ki nongjop ki la ioh rah khur ruh ia ka song pisa kaba T. 40 hajar ryngkat ka trophy bad ki kynhun ba wan baar ki la ioh khur ia ka song pisa kaba T. 30 hajar ryngkat ka trophy.
Ia ka Most Valuable Player na ka liang ki shynrang la iohrah da u Meban Shadap na ka kynhun ONYX bad na ka liang ki kynthei la ioh khur da ka Larihun Warjri na ka Dubahk-A.
