Shillong, K’lyngkot, 18: Ki rang bad ki thei lehkai Taekwondo na East Khasi Hills district sa shisien biang ki la ioh khur ia ki takma ksiar ha baroh ki jinglehkai Taekwondo ia kaba la pynlong ha Montfort Centre ha Tura ha ka Meghalaya Games 2024.
Ha ka kyrdan Junior Girls’ Kyorugi hapoh 46 kilo, ka Ibapyhnun Kharmyndai na East Khasi Hills ka la pynliem noh ia ka thei ialehkai na South West Garo Hills’ ka Joynilla Ch Sangma katba ka Nokgrikchi G. Momin bad ka Jheanchim B. Marak ki la ioh khur ia ki takma rnong.
Ha ka kyrdan Junior Girls’ kyorugi hapoh 42 kilo, ka Dayalanki Challan na West Khasi Hills ka la pynliem noh ia ka Sritee Kumari na West Jaiñtia Hills bad ioh khur ia ka takma ksiar katba ka Aurialla Wasabi K. Marak bad ka Jaksal Arimchi T. Sangma ki la ioh khur ia ki takma rnong.
Ha ka jinglehkai kaba khatduh ha ka kyrdan Junior Boy’s Kyorugi hapoh 45 kilo u Ravi Kumar Rai na East Khasi Hills u la pynliem noh ia u Areyo M. Sangma na East Garo Hills bad ioh khur ia ka takma ksiar katba u Kreangbeth A. Sangma na West Garo Hills bad u Samir Chetri ki la ioh khur ia ka takma rnong.
