Shillong, Jylliew, 02: Arngut ki snar khaii drok ki la shah kem ha ki shipai BSF jong ka 193 Battalion ha ka sngi Saitjaiñ.
Ki shipai BSF kiba la ioh ia ka jingtip kaba bniah na ki tnat syntiat ha ka jingpynap shrip ha surok ha ka jaka ba dang hap hapoh ka Ranikor Police Station, South West Khasi Hills District ki la ioh bat ia kawei ka kali Alto kaba dang thmu ban hiar sha khappud hajan ka shnong Ranikor.
Ia kine ki arngut kiba la ithuh kyrteng kum u Joydeep Paul bad u Nabajit Sen, kiba sah ha East Khasi Hills District
Ha ka jingtalasi ia ka kali, ki shipai BSF ki la ioh kurup 2,469 tylli ki dawai kuli Yaba bad 10 gram u drok Heroin.
Ia u dawai kuli Yaba, ia u drok bad ia kine ki arngut ki snar khaii drok ba la iohkem la aiti noh sha ki Pulit jong ka Ranikor Police Station na ka bynta ban pynngat ia ki ha ki kyndon jong ka NDPS Act.
