Shillong, Risaw, 17: Da kaba buh hakhmat ia ka thong ban kyntiew ia ka sap ka phong ialehkai jong ki khynnah ha kane ka jylla Meghalaya, ka Lynti jam Football Centre ka la pynbna paidbah ban pynlong ia ka lympung ialehkai phutbol kaba la tip kum ka Sunfeast Football Cup 2023. Ia kane ka lympung ialehkai yn sa pynsdang naduh ka 26 tarik haduh ka 31 Tarik Risaw, 2023 ha madan Mawlein Mawkhan kaba don ha Ribhoi District.
U President jong ka Lynti jam Football Centre, u Bah Sumarlang Swer u la iathuh ba ha kane ka lympung ialehkai yn plie lad ha ki ar bynta, kawei na ka bynta ki khynnah skul bad kawei pat na ka bynta khynnah kiba ialehkai na ki Club. Ia kane ka tournament yn pynlong na ka bynta ki heprit shynrang kiba hapoh ka rta kaba 13 snem bad na ka bynta ki kynthei ha ka rta kaba hapoh 16 snem.
