Shillong, Jylliew, 23: U Chief Executive Member (CEM) jong ka Khasi Hills Autonomous District Council (KHADC) u Bah Pyniaid Sing Syiem ha ka sngi thohdieng u la sam bhah ia ki 10 ngut ki Executive Member jong ka Executive Committee hapoh ka jingialam jong u.
U Bah Pyniaid Sing Syiem u la bat hi halade ia ka tnat General Administration, Finance, Posting & Transfer, Establishment, Appointment bad kiwei kiwei ki tnat ki bym shym la aiti sha ki EM katba u Bah Pynshngaiñlang N. Syiem uba long u Dy. CEM u la ioh bat ia ka tnat Elaka Administration, Law & Legal Matters.
Ka Kong Grace Mary Kharpuri ka la ioh bat ia ka tnat Market, (Council Market) bad kiwei kiwei ki Iew ba ka tnat Information Technology. U Bah Victor Rani u la ioh bat ia ka tnat Arts and Culture, Health and Sanitation, Labour Clearance Certificate bad Fisheries.
U Bah Gigur Myrthong u la shah pynkhamti kum u EM uba peit ia ka tnat Trade bad Enforcement Wing.
U Bah Rangkynsai Kharbuki u la ioh bat ia ka tnat Council Building, Council Assets, Marriage and Divorce.
Ka Kong Magdalyne Sawkmie Mawlong ka la ioh bat ia ka tnat Forest bad Town Committee.
U Bah Teiborlang Pathaw u la iohbat ia ka tnat Land & Building Byelaws.
U Bah Alvin Khyriem Sawkmie u la ioh ia ka tnat Revenue Collection bad Planning.
U Bah Fantin J. Lakadong u la ioh bat ia ka tnat Taxation, Water Resource bad ka tnat Mines and Minerals.U Bah Carnes Sohshang u la ioh bat ia ka tnat Development bad Education.
