Shillong, Naitung 4 : Shen ha ki khyndiat bnai ban wan kan sa mih ka phlim lyngkot kaba la ai kyrteng ‘Nongshun’. La ring dur ia kane ka phlim da u Bah Kamki Diengdoh bad u Elizer Bareh. Kiba ia shim bynta ha kane ka phlim ki long u Bah Albert Mawrie, u Hilarius Kharbihkhiew, Eva Mary Swer, Elizer Bareh bad kiwei pat.
Ia kane ka phlim lyngkot la pynbit pynbiang da ka State of Mind Production ha ryngkat ka jingiatreilang bad ki dkhot jong ka Hills People Collective. La pynmih lane Produce ia kane ka phlim lyngkot da i Kong Suzanne Syiem. Kiwei pat kiba ia don bynta ha kane ka phlim ki long u Bah Julius Basaiawmoit uba peit ia ka Sound , ka Naisha Tariang ba peit ia ka Set Design, ka Dari Khyriem ba leh ia ka Make up bad kiwei pat.
