Shillong, ïaïong, 24: Ban tehsong bad ban pynkhlaiñ ia ka jingiadei hapdeng ki nongpyniaid shnong jong ki phra tylli ki shnong kiba hap hapoh ka Pynthorumkhrah, ka Synjuk ki Nongsynshar Shnong jong ki phra shnong ka Pynthorumkhrah kaba kynthup ia ka shnong Mawpat, Langkyrding Mihngi, Lumshyiap, Golflinks, Pynthorbah, Nongmensong, Lum Khyriem bad Urkaliar ha ka 22 tarik ïaiong 2024 ki nongialam jong kine ki phra tylli ki Shnong ki la iakynduh lang ha Community Hall jong ka Dorbar Shnong Golfiinks ban iathir iatai ia kiba bun ki mat kiba iadei bad ki jingdonkam ha ka imlang ka sahlang bad ka khia ka shon jong ki nongshong shnong.
Ha kane ka sngi, la jied ia ki nongkitkam ban pyntyllun ia ka jingai jingshakri kaba janai ha kaba la pynkhamti ha u Rangbah Shnong ka Golflink Bah Michael Hek kum u President, Rangbah Shnong Mawpat Bah Judah J.M. Wahlang kum u Vice President, Secretary Shnong Urkaliar Bah Samborlang Diengdoh kum u General Secretary, Secretary Shnong Pynthorbah Bah Amos Manih kum u Assistant Secretary, Rangbah Shnong Langkyrding Mihngi Dr. B. Basaiawmoit kum u Treasurer.
