Shillong, Nailar 31: Ka Hynñiewtrep National Youth Front (HNYF) Seng Kmie lyngba u Secretary u Bah Lamsuk Langstang ka la pyntip paidbah ba ka seng ha ka Central Executive Committee (CEC) kaba la long ha ka 26 tarik mynta u bnai ka la shim ia ka rai ban weng kam noh ia u Assistant Secretary HNYF Seng Kmie u Bah Edward Thangkhiew, uba bashong basah ha Mawlai Umjajew,Shillong.
“Kumta la kyrpad ia baroh kiba ju iadei kam bad u Bah Edward Thangkhiew ba ju khot u Eddy ba ka seng nangne shakhmat kan ym don jingkitkhlieh shuh bad ngin ym ithuh bad pdiang ia ka jingiadei kam u Bah Eddy ha ka kyrteng ka seng,” la ong u kyrwoh.
