Shillong, Nohprah, 19: U Bah Shemstar Rynjah uba shong basah ha ka shnong Lawsohtun, ha ka sngi Baar u la pynbna paidbah ba un iakhun kum u kyrtong shimet ia ka elekshon MDC jong ka Khasi Hills Autonomous District Council na Laban-Mawprem Constituency.
Ha ka jingiakren bad ki lad pathai khubor u Bah Shemstar u la iathuh ba ka jingshim rai jong u ban iakhun ia ka elekshon MDC ka dei lyngba ka jingkyntu kynpham jong ki paralok kiba ju iohi ba u dei uwei na ki rangbah uba ju ialam lynti ia kiba bun ki khynnah bad ki samla ha ki kam ialehkai sports ha ka jylla.
“Kum u nongkitkam shnong nga la long u Sports Secretary bad u Rangbah Dong, nga tip lut ia baroh ki longing kiba don ha Laban kino kiba duk bad kino kiba kham duna ka ioh ka kot,” u la ong.
U la ong ruh ba lada u ioh ia ka jingjop, u don ka thong ban wanrah ia ki jingkylla ha Laban-Mawprem Constituency bad ban kren ia ka ishu halor ka khyndew ka shyiap bad ka ishu khappud kaba ki paidbah ki la mad jingeh haduh katta katta.
