Mawkyrwat, Nailur, 22: Ka ophis jong u District Medical and Health Officer (DM&HO) South West Khasi Hills District, bad ka Mawkyrwat Civil Hospital ryngkat ka jingiatrei lang bad ka National Prevention for Control of Blindness and Visual Impairment, Meghalaya kin sa pynlong ia ki jingsumar khmat ia ki briew kiba don jingpang khmat kiba la kynjoh ia ka rta kaba la 50 snem bad kumjuh ruh yn pynlong ia ka Screening na ka bynta kito pang khmat.
Ia kane ka screening yn pynlong ha ka 3 tarik, Risaw, 2023 ha Civil Hospital, Mawkyrwat, 10 tarik u Risaw, 2023 ha Ranikor Community Health Center (CHC), 17 tarik u Risaw, ha Mawthawpdah Primary Health Center (PHC) bad ha ka 31 tarik u Risaw ha Wahkaji Primary Health Center (PHC).
Baroh kine ki jingsumar khmat ei kin sdang ha ka por 10 baje mynstep.
