Shillong, Jymmang 06: Ki paid u Blei ha Madanryting kin sa sakhi ia ka jingplie ia ka Parish bathymmai ha ka 12 tarik mynta u bnai da u Archbishop ka Jyllaniambah Shillong u Most Rev. Victor Lyngdoh ryngkat ka jingsakhi lang jong u Vicar General u Rev.Fr. Richard M. Majaw bad kiwei kiwei ki Lyngdoh Sohblei.
Katkum u kyrwoh, la pyntip ba ka jingplie ia ka Parish U Khrist U Syiem, Madanryting yn sdang da ka Mass Bakhuid ha ka por 10.00 baje mynstep.
Ki bor pyniaid jong ka Balang Catholic Madanryting ki khot bad wer ia ki paidriewngeit jong ki Parish ba hap hapoh ka jylli jong ka Jyllaniambah Shillong ban sakhi lang ha kane ka sngi.
