Shillong, Jymmang, 06: Ka kynhun ialehkai na ka jylla Maharashtra ha ka liang jong ki shynrang bad ka kynhun ialehkai na ka jylla Rajasthan ha ka liang ki kynthei ki la iohrah ia ka nam lahduh ha ka 4th Senior Roll Ball Federation Cup ba la pynlong da ka Meghalaya Roll Ball Association (MRBA) ba la iashim bynta da ki 11 tylli ki kynhun jong ki shynrang bad ki kynthei na ki jylla bapher bapher jong ka ri India.
Ha kane ka lympung ialehkai kaba ar sngi ba la pynlong ha Basketball Court jong ka St. Anthonys Higher Secondary School, Laitumkhrah Shillong kaba la kut noh ha ka sngi u Blei la pynhap pyrda da u Working President jong ka Meghalaya State Olympic Association (MSOA) Bah John Kharshiing uba la long kum u kongsan bad uba la sam ia ki khusnam sha ki kynhun kiba la jop ha kane ka lympung ialehkai.
Ha kane ka jingiakhun phainal, ha ka liang jong ki kynthei, ka Tamil Nadu ka la wan ha ka kyrdan kaba baar bad ka Assam ka la wan ha ka kyrdan kaba lai.
Ha ka liang jong ki shynrang, ka Jharkhand ka la wan ha ka kyrdan kaba ar bad ka Rajasthan ka la wan ha ka kyrdan kaba lai.
