Ka shad suk mynsiem kaba ju pynlong shisien shi snem ha madan weiking da ka Seng Khasi Kmie, Mawkhar ka la kynjoh mynta ia ka jingdap kaba 112 snem kynthih. Kane ka shad suk mynsiem kaba lai sngi ka la poi noh sha kaba kut ha ka 10 tarik u Iaiong, 2023 ha kaba ki don haduh 1451 ngut ki nongshad shynrang bad kynthei kiba la iashim bynta ha kane ka lympung shad kaba la long ha madan Weiking, Jaiaw, Shillong. Katkum ka jingiathuh jong ki nongialam ka seng khasi Kmie, ki shynrang kiba la iashim bynta ha kane ka shad suk mynsiem ki long 723 ngut katba ki kynthei ki long 720 ngut. Nalor u Lat ka Jylla u Phagu Chauhan uba long u kongsan, ha kane ka sngi la sakhi lang da u Symbud Myntri Rangbah ka Jylla u Bah Prestone Tynsong, u Chief Executive member jong ka Khasi Hills Autonomous District Council u Bah Titostarwell Chyne, u MLA jong ka Mawlai Constituency u Bah Brightarwell Marbaniang, u Director General of Police ka Jylla u Dr. LR Bishnoi, ki ophisar ka sorkar jylla bad ki khun ki hajar kiba la wan na kylleng ki shnong jong ka bri u Hynniewtrep
1451 NGUT POI KI NONGSHAD SHYNRANG BAD KYNTHEI HA KA SHAD SUK MYNSIEM
![article-img2](https://batesitv.com/wp-content/uploads/2023/04/article-img2-1024x682.jpeg)