Shillong, Lber, 16: Ki thylliej ding barhem ki la pynkylla dpei ia kawei ka ing ha ka shnong Sohkynduh, ka shnong kaba hap hapoh ka thain Khatarshnong, Sohra, East Khasi Hills District.
Katkum ka jingtip ba la iohlum la iathuh ba kane ka la jia ha ka sngi Saitjaiñ ha ka por kumba 3:00 baje noh phai sngi. Kane ka ing ka dei ka ing jong ka Kong Baralin Mawpat bad u Bah Phainal Phanbuh.
Ka ding ka la ioh ban bamduh ia ka iing baroh kawei namarba ka dei ka ing tap tin shiliang bad baroh ki jingdon jingem hapoh ka iing ki la kylla dpei tang hapoh shikhyllipmat.
Ha kane ka jingjia ym shym la don mano mano ruh ba mynsaw.
