Shillong, Jylliew 27: Ha ka 24 tarik u Jylliew 2023 , ka Synjuk ki Seng Samla Shnong (SSSS) ka la jied ia ki nongkitkam ba thymmai jong ka kiba hap hapoh ka Shillong City. Ia ka jingialang jied nongkitkam la pyniaid da u President jong ka Central Body u Bah Vanshan Buhphang ryngkat u General Secretary u Bah Ricky Pathaw. Ha kane ka sngi la batai lyngkot ruh shaphang ki mat treikam jong katei ka seng da u Chairman ka South West Khasi Hills u Bah Wallambok Syiemiong. Ka jingialang ka la long ha Lamavilla Community Hall.
Ki nongkitkam ba thymmai jong ka SSSS Shillong City ki kynthup ia u Bah Pynshaibok Diengdoh kum u Chairman, u Bah Symper Ryntathiang kum u Working Chairman, u Bah Samuel Biam kum u Vice Chairman, u Bah Vivian R Kharkongor kum u General Secretary, u Bah Khraw Mynsong kum u Assistant Secretary lem bad kiwei pat ki nongkitkam kumjuh ruh ki Executive Member.
