Shilong, Rymphang, 19: Ka Umlyngka Sports and cultural club ha ka sngi Saitjain jong ka taiew baladep ka la pynlong iaka “Premmiet Shongsbai” jong ka sports club,ha madan football ka Shnong Umlyngka, ha kaba la wan sakhi lang daki Rangbah jong ka Shnong lem bad ki Longkmie ki samla jong ka thain umlyngka, U Bah Lufast Majaw u ba long ruh Kum u Kongsan ha kane ka sngi plie la iadonlang ruh ki nongialam shnong naduh u Secretary Shnong u Bah Batdor Wahlang, don ruh ki nongïalam ba rim jong ka Club u rangbah u bah Andra Kharkongor uba dei u riew rangbah jong ka shnong lem bad ki nongialam kane ka sports club,ki riew rangbah, ki samla jong ka shnong Umlyngka bad kiwei kiwei.
Ha kane ka sngi la khring bha ia ki paidbah nong shong shnong kadei lyngba ki jingbam tynrai kum ka jingbam na mei ramew, ki jingbam Khasi kum ki jadoh snam, jadoh nei iong, bad ka iew ka hat kum ka jingdie ia ki khoh ki wait , moh khiew lem bad ki jain riam tynrai nalor kiwei pat.
Ha shwa ban pynlong ia kane ka prokram, ka la don ka jingkren na wei u Rangbah Bah Andra Kharkongor u la ong ba haka por jong ki la seng iaka Sport and Cultural ki la shem jingeh bha namar kim don ka pisa ka biang ban thaw ki lad kumno ban treikam hynrei mynta u la ai ka jingiaroh bad kyrkhu kyrdoh iaki nongialam ba mynta ba kin dang lah ban trei khambha khnang ba ka Club kan paw ym tang hangne hynrei wat sha ki wei ki jaka ruh.
Na ka liang u Rangbah shnong u ba dei ruh u Kongsan u la ong baka sport and Cultural club ka dei ka Sien ba nyngkong eh ba ioh ban pynlong kum ka ne ka Prokram ha ba phai ha por ba mynshuwa ka Sport Club kadei tang ka jinglehkai jong ki sport bapher bapher hynrei mynta ngi la iohi baki la don sa ki wei ki prokram kiba iadei bad ka Kolshor bad da ka jingthrang ba ka Club ka pynlong bun ki prokram kiba iadei baki Samla namar mynta ngi iohi baki samla ki bun kiba ki la ngop lut halor ki kam sniew ki ba lai phew rukom.
