Shillong, Rymphang, 26: U Rangbah Shnong jong ka shnong Mawlai Nongkwar Bah Moonstar Nongrum ha ka Lah Sngi U Blei u la plie paidbah ia ka jaka kilan met kaba la ai kyrteng kum ka “Together Strong Gym” ha Block-11 ha ka shnong Mawlai Nongkwar.
Shwa ban plie ia kane ka jaka kilan met, u Pastor D. Lyngdoh u la buh ia ka jingduwai bad ai ruh ka jingkyrkhu kyrdoh da ka jingsakhi lang jong ki bahaiing hasem, ki dkhot jong ka executive committee ka Dorbar Shnong Mawlai Nongkwar, ki dkhot ka Seng Samla Mawlai Pyllun bad kiwei kiwei de kiba la shah khot sngewbha.
Ka jingthmu ba la buh ia kane ka jaka kilan met ka long ban khring ia ki samla shynrang bad kynthei ba kin pynmlien ialade ban kilan met khnang ba kin ioh ia ka met kaba koit bakhiah bad khamtam eh ban khring ia ki samla kiba la ngop ha ki jingdih kiba sniew khnang ba kin ioh biang ia ka jingim kaba thymmai.
Na ka bynta ki jingtip kiba khambniah ki paidbah ki lah ban wad jingtip da kaba telephone ha kine ki number: 6009207397 bad 8415932064.
