Shillong, ïaïong, 22: Ka Hynñiewtrep Youths Council (HYC) Sports Cell Central Executive Commitee ka la plie paidbah ia ka 1st Hynniewtrep U-16 Football League kaba la long ha madan Malki.
La plie ia kane ka lympung ialehkai da u Vice President jong ka Seng u Bah Donboklang Kharlyngdoh ryngkat ka jingiadonlang jong ki dkhot ka Dorbar Shnong Malki bad ki nogshah khot sngewbha.
La pyniaid ia kane ka program da u Chairman jong ka Sports Cell samla Franky Kharumnuid bad la pynlong ia kane ka lympung ialehkai kum shi bynta ban rakhe ia ki mawmer ka jingdap 10 snem jong ka seng.
Ka jingiakhun kaba la long ha kane ka sngi ka ka long hapdeng ka PFR pyrshah ia ka Albinus, ka Lamjingshai pyrshah ia ka Tur shaphrang, ka Nangiaikiew pyrshah ia ka Little Kickers ba ka Little Star Academy pyrshah ia ka Merinda.
