Shillong, Nohprah, 07: Ka jinghap slap bad ka jingkhriat jong ka tlang ka la pynpulom ïa ka tamasa Me’gong kaba lai sngi ba la sdang ha ka sngi Palei ha madan Jengjal, kaba jngai 30 kilomitar na Tura.
Ïa kane ka tamasa la pynkynriah noh sha ka sngi Thohdieng. Ha ka sngi plie ïa kane ka tamasa, baroh ki dukan die jingbam ki la plie beit tad haduh ka por janmiet.
“Na ka daw ka jinghap slap, la hap ban pynsangeh noh ïa ka tamasa,” la pyntip ki bor pynïaid.
“Baroh ki duhalia kiba dei ban kiew rynsan, la pynkynriah noh sha ka sngi kaba ar bad ka sngi kaba lai. Ki dukan die jingbam, ki jingpyni kolshor bad ki jingïakob kin ïaid beit kumba ladep pynbna,” la pyntip ki nongpynïaid. Ïa kane ka tamasa yn sa pynkut ha ka 9 tarik mynta u bnai.
