Shillong, ïaïong, 03: Ka samla Tyngkle Grace Iawrot ka nongrwai kaba don ia u ryndang uba syiang na ka thain Mawsynram ha ka sngi Baar ka la ioh rung sha ka Grandfinale jong ka rynsan iakop pynisap kaba la tip kum ka India’s Talent Fight kaba la long ha nongbah New Delhi.
Ka samla Tyngkle Grace Iawrot ka dei tang ma ka, kaba la ioh ioh rung sha ka jingiakop rwai Solo ka ban hap aireng bad ki nongrwai batbit na kylleng ka ri India kiba la poi sha ka jingiakhun phainal.
Ha kaba iadei bad kane, ka Executive Commitee jong ka All Meghalaya Dancers Association ka ai khublei kitbok kitrwiang ia ka samla Tyngkle Grace Iawrot bad buh jingduwai kyrpang ruh ba kan poi sha ka thong jong ka jingjop.
Kum ban shu pyntip hangne, ba ia kane ka jingiakop rwai ba la iashim bynta da ka samla Tyngkle Grace Iawrot yn sa pyni paidabh ha ka Channel 9XM TV.
