Shillong Rymphang, 26: Namar ka jingpynslem jong ka Sorkar ban pynmih ia ka resol jong ka District Selection Committee (DSC) ha Ri Bhoi District ka Ka Ri Bhoi People’s Council (RBPC) ryngkat ka Meghalaya People’s Social Organisation (MPSO) ha ka Lah Sngi u Blei ki la pynbna ban pynlong da ka jingïakhih da kaba shong kyllaiñ myngngor ha ka 4 tarik Lber 2024 hakhmat ka Indoor Stadium kaba don ha Umlyngkdait.
U President ka RBPC Samla Jayson Lennox Nongrum ha ka jingiakren bad ki lad pathai khubor u la pynpaw ba kum ka seng ka la shim ia ka sienjam ban pynlong da ki jingïakhih da kaba shong kyllain mynggnor ryngkat ka jingkyrpad ïa baroh ki samla wadkam kiba dang ap result ban ia shim bynta lang ha kane ka jingiakhih.Shuh shuh ki nongialam ki la pynpaw ba ka seng ka ladep ban iakren bad ka la iakynduh ruh ia u Chairman bad ia u Member Secretary jong ka DSC Committee hynrei i kumba ka jingleit kynduh kam shym la poi shaei shaei ruh namarba haduh mynta ym pat iohi ia u soh, kumta ki arseng ki la shim noh ia kane ka sienjam.
