Shillong, Lber, 12: Ki Pulit jong ka Ri Bhoi District ki la kem sa saw ngut ki briew ia kiba la suba ba ki dei kiba donkti ha ka jingbthei u bom IED ha Them Iewmawlong ha ka miet sngi Saitjaiñ jong ka taiew baladep.
Ia kine ki briew ki Pulit ki la kem na ka thain Umsning ha ka miet lah sngi U Blei.
Halor kane ka jingshah kem, ki Pulit ki la ioh ruh ban kurup ia ki tiar ki tar kiba la suba ba ki dei kiba pyndonkam ha ka jingpynbthei ia u bom IED bad kine baroh saw ngut ki dei na ka thain Umsning.
Tang shu iohkem, ki Pulit ki la rah sha Nongpoh Police Station bad ban tian bishar ha Kashari District Session Judge Court ha Nongpoh, Ribhoi District.
