Dasu (Khyber Pakhtunkhwa), Ïaïong: Uwei u nong China uba trei ha Dasu Hydropower Project ha Upper Kohistan ha Pakistan u la shah kem ha ki pulit hadien ba u la shah kynnoh ba ki nongtrei bylla kiba don ha katei ka jaka ba u kren beiñ blei. U la shah pynngat ha ki kyndon Section 295-C jong ka Pakistan Penal Code kaba dei ka kyndon ba u kren beiñ blei, la mudui pyrshah ïa u ha Komila Police Station da u Gulistan bad u Yasir kiba dei ki nongñiah kali.
La pyntip sha ki pulit ba ki paidbhur ki la tur sha ka jaka sah jong ki nong China ha Barseen bad ki la don ruh ki kynhun kiba pynlong jingïakhih ha kawei na ki jaka trei jong ka Hydro Project, marsien ïoh ïa katei ka jingtip ki pulit ki la mareh wut wut sha katei ka jaka bad ki la lah ban tem ïa ka jingbitar jong ki paidbah.
Hynrei la ïoh jingtip biang ba ha ka step kaba bud, bun bah ki briew ki la poi sha Komila bad ki la khang lynti ïa ka surok ban leitr sha Karakoram bad ki la pyrta pynrem ïa u nong China hynrei dei hadien ba ki pulit ki la kular ban kem ïa u, ki paidbah ki la pyllait noh ïa ka lynti. Ki nongïalam niam jong katei ka thaiñ ruh ki la kyntu ïa ki paidbah ba kin long jai jai
