Shillong, K’lyngkot 22: U Prateek Thapa, 19 snem ka rta u la jop ia ka kyrdan kaba lai ha ka rynsan iakob ‘I Am Model Search International Modelling’ kaba la long ha nongbah Kuala Lumpur, Malaysia ha ka 13 tarik, Kyllalyngkot, 2024.
U Prateek u la mihkhmat ia ka ri India ha ka National Qualifier Event of Mister India 2023 ba la pynlong da ka Global Model India na Pune ha kaba u la ioh rung ha ka kyrdan kaba 6. Da kane ka jingjop, u Prateek u la long ka jingsarong ia ka ri India da kaba pynliem ia ki 70 ngut ki nongiashim bynta na ki 21 tylli ki ri ka pyrthei.
Ha kawei pat ka liang, u Aman passah uba la 24 snem ka rta na Jowai, West Jaintia Hills District uba dang pule ia ka MUA u la long u nongjop ha ka Mr Petite Global India 2023 bad da kane ka jingjop un sa iohlad ban mihkmat ia ka ri India ha ka Mr. Petite Global 2024 ka ban sa long ha u bnai Nailar, 2024.
