Shillong, Jylliew, 08: Ki rang bad ki thei iakhun kti jong ka Meghalaya Arm Wrestling Association (MAWA) ki la ioh khur ia ki takma ksiar, rupa bad rnong ha ki ar tylli ki rynsan iakhun ha ka National Level Kata kaba la long ha Jammu & kashmir kaba la sdang naduh ka 22 tarik haduh 26 tarik Jymmang, 2023 bad ha Mathura, Uttar Pradesh kaba la long naduh ka 1 tarik haduh ka 4 tarik Jylliew, 2023.
Katkum u kyrwoh ba la phah da ka Publicity Secretary ka MAWA ka Kong Sumita Kshiar ka la pyntip ba ki nongjop kiba la iashim ha ka rynsan iakhun kti kaba la long ha Jammu & kashmir ki long u Alan Sun Marbaniang (Senior Category) 90 kilo uba la ioh khur ia ka takma Rupa (Left and Right), u Alexshon Roy M.Umlong (Master Category) 75 kilo uba la ioh khur takma ksiar (left and Right), u Everson Thangkhiew ha ka (Grand Master Category) 80 kilo uba la ioh khur ia ka takma ksiar (Left and Right), u Jackson Lyngdoh (Senior Category) 70 kilo uba la ioh khur ia ka takma rnong (Left Hand) bad takma Ksiar (Right Hand), u Daniel Nongkhlaw (Senior Category) 55 kilo uba la ioh khur ia ka takma ksiar (Left & Right), u Hubert Paliar (Senior Category) 55 kilo uba la ioh khur ia ka takma rupa (Left hand) bad takma rnong (Right Hand) bad nalor kata u Hubert Paliar u la iashim bynta ruh ha ka (Hearing impairment Category) 70 kilo bad ioh khur ia ka takma ksiar (Left & Right Hand), ka Maimai Laloo (Hearing impairment Category) 80 kilo kaba la ioh khur takma rupa (Left & Right Hand), u Banshanlang Terang (senior Category) 60 kilo uba la ioh khur takma rnong (Right Hand), u Banshanlang Terang (PIU Standing Category) 60 kilo uba la ioh khur takma Ksiar (Left and Right Hand), u Mathias Marbaniang (Senior Category) 80 kilo uba la ioh khur takma Rupa (Left hand), u Pynshemphang Mynsong 55 kilo (youth Category) 55 kilo uba la ioh khur takma Rupa (Left hand), u Kishore Chettri (senior Category) 85 kilo uba khur takma Rupa (right hand) bad takma rnong (Left hand), Bhakupar Kharkongor (Youth Category) 100+kilo uba la ioh khur takma Ksiar (left hand)
Na ka liang jong ki kynthei, ka Margaret Pathaw (Senior Category) 65 kilo kaba la khur takma ksiar (Left and Right hand) katba ha ka (Master Category) 70 kilo ka la ioh khur takma ksiar (Left and Right hand), ka Senebi Syngkli (youth Category) 55 kilo kaba la ioh khur takma rupa (Left and Right Hand) bad kumjuh ruh ha ka (Senior Category) 55 kilo ka la ioh khur takma ksiar (Left and Right Hand), ka Ladapbiang Malieh (Youth Category) 70 kilo ka la ioh khur takma Ksiar (left hand) bad takma rupa (Right Hand), ka Melinda Mawlong (Senior Category) 55 kilo kaba la ioh khur takma rupa (Right Hand), ka Parkles Theolinda Lyngkhoi (youth Category) 55 kilo kaba la ioh khur takma rnong (Right Hand), ka Wandalin Syiemïong (Senior Category) kaba la ioh khur takma ksiar (Left and Right hand), ka Wenny Freeda Kharthangmaw (Junior Category) 60 kilo kaba la ioh khur ksiar (right hand) bad takma rupa (Left Hand), Airikmenlang Shabong (youth Category) 50 kilo uba la ioh khur takma rupa (right and Left Hand), ka Airikmenlang Shabong (Senior Category) 50 kilo kaba la ioh khur takma rnong (right Hand), ka Angelis Kharumnuid (Youth Category) 50 kilo kaba la ioh khur takma rnong (right hand) bad takma ksiar (Left Hand), ka Angelis Kharumnuid (Senior Category) 50 kilo kaba la ioh khur takma ksiar (right hand) bad Takma rupa (Left Hand), ka Angel Mary Mylliem Umlong Khun Syiem (Master category) 60 kilo kaba la ioh khur takma ksiar (Left and Right hand), ka Ibakyntiew Kharumnuid (Master Category) 60 kilo kaba la ioh khur takma rupa (Left & Right Hand).
Ki official kiba la mihkhmat na ka jylla Meghalaya ha katei ka rynsan iakhun kti ki long u Maiñbor Khyriem, u Ricky Marweiñ bad u Khraw Kupar Lyngshing.
Napdeng kitei ki nongjop ka Kong Magret Mathaw ka la ioh rah ia ka nam lahduh na ki lahduh, kata, Senior bad Master Categories. Kumjuh ruh ha kane ka kynti lyngba kane ka lympung ka Team Meghalaya ka la ioh ka nam lahduh (na ka liang ki kynthei) Women’s Team Champion category 2023.
Haba phai sha ki nongjop kiba ia shim bynta sha Uttar Pradesh (1st – 4th June 2023) ka kyrwoh na ka kynhun MAWA ki long ka Bandarika Kharkongor kaba la ioh khur takma ksiar ha ka Senior Women’s 60 kgs Left Hand, takma ksiar ha ka Senior Women’s 60 kgs Right Hand, takma rnong ha ka Youth Girl’s 60 kgs Left Hand bad takma rnong ha ka Youth Girl’s 60 kgs Right Hand.
Ka Mihsngewbha Rymbai ka la ioh khur takma ksiar ha ka Master Women’s 80 kgs Left Hand, takma rupa ha ka Master Women’s 80 kgs Right Hand, bad takma rnong ha ka Senior Women’s 80 kgs Left Hand.
Ka Aiboklin Rina ka la ioh khur iaka takma ksiar ha ka Senior Women’s 65 kgs Left Hand, takma rupa ha ka Senior Women’s 65 kgs Right Hand.
Ka Larityngkai Lawriniang ka la ioh khur ia ka takma rnong ha ka Senior Women’s 50kgs Left Hand/
Ha ka liang jong ki shynrang u Shanborlang Siangshai u la ioh khur takma ksiar ha ka Para-Standing Men’s 70kgs Left Hand bad takma ksiar ha ka Para-Standing (HI) Men’s 70kgs Right Hand.
U Banbatjuban Khongwir u la ioh khur ia ka takma ksiar ha ka Master Men’s 100 kgs Right Hand bad takma rupa ha ka Master Men’s 100 kgs Left Hand
U Alexander Lyngdoh u la ioh khur takma ksiar ha ka Para-Standing (HI) Men’s 80kgs Left Hand, bad takma rupa ha ka Para-Standing Men’s 80kgs Right Hand
U Aiboklang Paul Wanniang u la ioh ban khur takma rupa ha ka Senior Men’s 60 kgs Left Hand.
Kine ki rang bad ki thei iakhun kti jong ka MAWA ki la ioh khur phra tylli ki takma ksiar, san tylli ki takma rupa bad saw tylli ki takma rnong. Baroh ki takma ba la ioh khur da ka MAWA ki long 17 tylli.
Ki official bad Referee jong katei ka jingiakhun kti kiba la mih khmat na ka jylla Meghalaya ki long u Junestar Kharbuli, Rupert Wankhar, Sumita Kshiar bad u Nick Nonglyer kum u Referee.
Ha kaba iadei bad kitei ki ar tylli ki rynsan ha ka National Levels, ki nongjop kynthup lang ia ki Officials bad referee ki la shah jied ban iashim bynta sa ha World Level 2023 ka ban sa long ha Kazakhstan ha u bnai Nailar, 2023.
