Shillong, Nailur, 12: Ka Kynhun Myntri ka la mynjur ban thaw ïa ka Engineering Wing hapoh ka Police Headquarter, Shillong ka ban peit ïa ki jingtei bad ki jingshna jong ka tnat Pulit ha kylleng ka jylla.
“Ka tnat Pulit ka dei kaba don bun tylli ki jingtei ha baroh kawei ka jylla namar kata ban ailad ïa ka tnat Pulit ba kan sumar ïa ki ingsah, ki ophis treikam bad kiwei kiwei ki jingtrei, la i donkam ban don ïa ka Engineering Wing namar ka jingbym don jong ka Engineering Wing, ka tnat kam ym lah ban bud ïa ki kyndon bapher bapher kiba kham bam por bad kiba hap ban don bynta lang da ki Agency bapher bapher ban leh naduh i kam iba rit wat tang ban shu maramot ïa ka kamra sum ne ban maramot ïa ka thanat ne ka ktem sah,” ong u Myntri Rangbah ka Jylla u Conrad Kongkal Sangma ha jingïakren bad ki lad pathai khubor.
“Ïa kine ki kam mynta yn sa peit da ka Engineering Wing bad ha u snem baladep ngi la rai ban mang pisa bad ban kynshew pisa hapoh ka jingpeit jong ki Superintendent of Police bad ki Deputy Commissioner ha manla ki District khnang ba kin dup lah ban pyndonkam ïa ka pisa mardor na ka bynta ki kam maramot ïa ki jingtei ha ki District Level,” u la ong.
“Da kane ka jingmynjur, la ailad ïa ka tnat Pulit ban peit ruh wat ïa ki jingdonkam jong ki Pulit ha ki District,” u la ong.
